Kōrero Taki

E nanaiore ana Te Kōhanga Reo o Te Ara Hou kia tū kaha, kia tū rangatira anō ai te mokopuna mō tōna whānau, mō tōna hapū, mō tōna iwi hoki.
Ka whāia i ngā kaupapa whakahaere o te kōhanga reo.
Whakamana- Mā te whāriki o te kōhanga reo e whakatō te kaha ki roto i te mokopuna ki te ako, kia pakari ai tana tipu.
Kotahitanga- Mā te whāriki o te kōhanga reo e whakaata te kotahitanga o ngā whakahaere katoa mō te ako a te mokopuna, mō te tipu o te mokopuna.
Whānau tangata- Me whiri mai te whānau, te hapū, te iwi me te tauiwi me ō rātau wāhi nohonga ki roto i te whāriki, hei āwhina, hei tautoko i te akoranga, i te whakatipuranga o te mokopuna.
Ngā hononga- Mā roto i ngā piringa, i ngā whakahaere i waenganui o te mokopuna me te katoa, e whakatō te kaha ki roto i te mokopuna ki te ako.
We strive to foster strong and confident mokopuna. We envision every mokopuna will rightfully take their place as leaders within their whānau, hapū and iwi.

Ngā Pou Matua o Te Kōhanga Reo

Te Pou tuatahi

Ko te reo Māori anake i roto i Te Kōhanga Reo.

Te Pou Tuarua

Mā te whānau e whakahaere.

Te Pou Tuatoru

Kia tū tika, kia tū pono ki te kaupapa.

Te Pou tuawha

Te whaioranga, te whakatūpato me te taiao.

Te Whakawhanaungatanga o Te Kōhanga Reo o Te Ara Hou

Hono tahi ki te whānau - To connect with our whānau.
Manaakitia te whānau - To care for our whānau.
Tuku aroha ki te whānau - To show love to our whānau.
Tiakina te whānau - To protect our whānau.
Ārahi te whānau - To guide our whānau.
Tauiratia te tuakana-teina - To model tuakana-teina.
Whakamana i te whānau - To empower our whānau.
Whakamana i te mokopuna - To empower our children.
Kia kotahi mai te whānau - To let us be one.

A mātau tāhuhu kōrero
Our History

I te 04 o Whiringa-ā-nuku 1996, i toka te whakaaro o te whānau o taua wā kia whakatūria i tētahi Kura Kaupapa Māori me tētahi Kōhanga Reo. Ko Te Kura Kaupapa Māori o Te Ara Hou, ko Te Kōhanga Reo o Te Ara Hou ngā ingoa.
E rua ngā Kōhanga Reo i kōwhirihia i Pāharakeke, i Heretaunga. I angitū Te Kōhanga Reo o Te Raukawa.
I te 16 o Mahuru 2004, i whakamoea Te Kōhanga Reo o Te Raukawa, ā, i ara ake a Te Kōhanga Reo o Te Ara Hou.
I te Whiringa-ā-nuku 2005, i tono pūtea i Te Tāhūhū o Te Mātauranga hai hanga whare Kōhanga Reo hou ki te taha o te kura i Onekawa. I te 01 o Whiringa-ā-nuku 2007, i hūnuku anō i Pirimai ki Onekawa.

Kei konei mātau e karawhiu ana i ngā ingoingo ā ō mātau tīpuna.
‘Te Ara Hou, ki te hoe!’

Akoranga inā noa atu